ТР Үзәк сайлау комиссиясе рәисе Андрей Кондратьев «Татар-информ»да узган матбугат конференциясендә Татарстанның бермандатлы сайлау округларында тавыш бирүнең якынча нәтиҗәләрен игълан итте. 31 нче номерлы Идел буе бермандатлы сайлау округында иң күп тавышны Илья Вольфсон – 67,5 процент җыйды, ә 32 нче номерлы Мәскәү округында – 51,77 процент тавыш белән Руслан Йосыпов, 33 нче номерлы Түбән Кама округында – 69,20 процент тавыш белән Олег Морозов алдынгылыкта бара. 34 нче номерлы Чаллы сайлау округында 76,74 процент тавыш белән Әлфия Когогина, 35 нче номерлы Әлмәт округында – Марсель Шәйдуллин (64,31 процент), 36 нче номерлы Үзәк округта – Марат Нуриев (59,92 процент) беренчелектә бара. 50 нче номерлы Биектау бермандатлы сайлау округы буенча ТР Дәүләт Советы депутатын өстәмә сайлауда тавыш бирүчеләр саны 88,14 процент тәшкил итте. Якынча мәгълүматлар буенча, иң күп тавышны Фәрит Габделганиев (64,90 процент) җыйды. Муниципаль берәмлекләрнең вәкиллекле органнары депутатларын өстәмә сайлау нәтиҗәләрен ясау дәвам итә, дип хәбәр итте Андрей Кондратьев.
34 нче номерлы Чаллы сайлау округында 76,74 процент тавыш белән Әлфия Когогина беренчелектә бара.
Нет комментариев