Чаллы урамнарын ташландык машиналардан арындырачаклар

Комсомол районы администрациясе белгечләре полиция хезмәткәрләре белән берлектә 2 рейд уздырды. Алар фанфурик, законсыз алкоголь сату нокталарын тикшерделәр. Шулай ук ташландык машиналарны җыю буенча да эш алып барылды. Аларның игътибарын Машинастроительная урамындагы рекламалы автомобиль җәлеп итте. 

"Әлеге машиналар шәһәрне бер дә бизәми. Кунаклар алдында оят", - ди Комсомол районы башлыгы Ленар Әхмәтҗанов.  

Ташлап калдырылган машиналар хуҗаларына кисәтү ясалды. Алар автомобильләрен алып куярга тиеш. Кисәтүгә колак салмасалар, машиналарын Комсомол районы эвакуацияләячәк.