Чаллыда яңа завод төзиячәкләр

Чаллыда модульле чистарту корылмалары җитештерү буенча завод төзиячәкләр. Аның эшчәнлеген җирле «ПЛАСТКАМ» компаниясе тәэмин итәчәк. Әлеге проектны, республика башлыгы Рөстәм Миңнеханов рәислегендәге Татарстан инвестсоветы хуплады. 

Предприятиедә аеруча ныклы пластмасс эшләнмәләре ясап, алардан агымтык суларны чистарту өчен төрле коралмалар җыячаклар. Моннан тыш 100 кубометрга кадәр сыеклык сыйдырышлы резервуарлар ясарга да исәп тоталар.

Әзер продукцияне төзелеш, нефть һәм газ предприятиеләренә, коммуналь хезмәтләргә сату күздә тотыла.