Чаллыда юллар ябыла

Бөек Җиңүнең 80 еллыгына багышланган чаралар үткәрелү сәбәпле 9 майда Чаллыда  юллар ябыла. 

Иртәнгә сәгать 7дән 11 сәгать 30 минутка кадәр Муса Җәлил проспектының Үзәк урамнан Гидротөзүчеләр урамына кадәр ике якта да һәм Е.Батенчук урамы буенча Ямашев бульварыннан Тукай яр буена кадәр хәрәкәт туктатыла;

14 сәгатьтә Раскольников урамында хәрәкәт ябылу сәбәпле 9 нчы маршрутта автобуслар хәрәкәтенең интервалы арта.

Сүз уңаеннан, 9 майда автобусларда һәм трамвайларда йөрү бушлай. Бу хакта Чаллы мэры Наил Мәһдиев карар кабул итте.