Шəhри Чаллы

Әлфия Когогина шәһәребез яшьләре белән очрашты

Дәүләт Думасы депутаты, Дәүләт Думасының Икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина «Нур» яшьләр үзәгендә Чаллы шәһәренең яшьләр иҗтимагый оешмалары активы белән очрашты.

 

Парламентарий яшьләр үзәген карап чыкты, бинаны капиталь ремонтлауның барышы белән танышты – үзәктә реконструкциянең соңгы этабы бара, аңа беренче катны ремонтлау, фасадны ремонтлау, янәшәдәге территорияне төзекләндерү һәм матди-техник җиһазлау (кирәкле җиһазлар сатып алу) керә.


Визит кысаларында «түгәрәк өстәл» узды, анда яшьләр сәясәте, Яр Чаллының социаль-икътисадый, инфраструктура үсеше мәсьәләләре каралды.

«Узган атнада Дәүләт Думасына яшьләр сәясәте турында закон проекты кертелде – ул федераль дәрәҗәдә «яшьләр», «яшь гаилә», «яшьләр сәясәте», «яшьләр иҗтимагый берләшмәләре» һ.б. төшенчәләрне билгеләячәк. Документ яшьләрнең яшен билгеләүгә бердәм якын килүне формалаштыра-бу 14 яшьтән 35 яшькә кадәрге затлар. Шулай итеп, күбрәк россиялеләр яшьләр өчен дәүләт тарафыннан каралган ярдәм чараларыннан файдалана алачак. Инициатива яшьләр сәясәте өлкәсендә бердәм хокукый кыр, федераль, төбәк һәм муниципаль дәрәҗәләрдә хокук мөнәсәбәтләрен җайга салу өчен нигез булдырачак. Закон проекты өстендә алга таба эш Дәүләт Думасы мәйданчыгында дәвам итәчәк, 30 августка кадәр профильле Комитет көзге сессиядә каралырга тиешле закон проектына фикерләр, тәкъдимнәр һәм искәрмәләр кабул итә», – дип хәбәр итте депутат.

 

Очрашу барышында шәһәрнең иреклеләр үсеше үзәгенә волонтерлык эше өчен, шул исәптән пандемия чорында да, эшче яшьләр лидерлары арасында конкурс уздырулары өчен, предприятие һәм оешмаларның яшьләр Советына Әлфия Когогина Дәүләт Думасы депутатының рәхмәт хатларын тапшырды.

 

 

 

Управление информационной политики и по связям с общественностью.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: