Наил Мәһдиев барлык мөселманнарны Ураза гаете белән котлады

Сезнең барчагызны да изге Рамазан аеның тәмамлануы һәм Ураза бәйрәме белән ихлас тәбрик итәм!

Мөселманнар Рамазан аеннан чистарынып, пакьләнеп, рух күтәренкелеге белән чыгалар, алар бөтен дөнья белән татулыкта яшәргә һәм мохтаҗларга ярдәм итәргә әзер. Әлеге айның төп мәгънәсе - яхшылык кылуда. Якты уйлар һәм изге гамәлләр безнең гомерлек юлдашыбыз булсын. 

Ураза бәйрәмен яхшы эшләр белән үткәрик. Аллаһы Тәгалә тоткан уразаларыбызны кабул кылсын, барыбызга да татулык насыйп итсен, Ураза бәйрәме игелекләр алып килсен!  

                                                                                                                                       Н.Г. Мәһдиев                                                                                                                      Яр Чаллы шәһәре мэры