Нәни кызчык иң кадерле бүләген кемгә биргән?

Шушы көннәрдә капиталь ремонттан соң 52нче балалар бакчасы кунакларны кабул итте. Бакча “Әкият” исемле.

Чыннан да биредә бар нәрсә әкияттәге кебек матур, уңайлы. Моның өчен бакча мөдире, балалар шәһәр хакиме Наил Мәһдиевкә, шәһәр Советы депутаты Евгений Архиповка, төзүчеләргә рәхмәт әйттеләр.

Депутат Евгений Архиповның туган көне булу сәбәпле бүләкләр дә кабул итте. Наил Гамбәровичтан чәчәк бәйләме, ә бакчага йөрүче кызчык депутат абыйсына иң яраткан әйберсен дә кызганмады. Кесәсендәге бердәнбер конфетын бирде. Менә бит игелекле гамәлләрне нәниләр дә аңлый.