Рөстәм Ямалиев: «Яңа елга миңа пластилин бүләк итә иделәр»

"Балачакта мин пластилин белән уйнарга ярата идем. Шуңа күрә миңа Яңа елга һәрвакыт пластилин бүләк итә иделәр. Үсә төшкәч, пластилин белән уйнамый башлагач та берничә ел миңа пластилин бүләк иттеләр әле. 
Яңа ел могҗиза көтә торган бәйрәм. Илләребез имин, сәламәтлек нык булсын иде. Бу көнне үзебезнең әби-бабаларыбызны искә алыйк. Кайда туганнар, кайда үскәннәр, кайда эшләгәннәр, нинди уңышларга ирешкәннәр? Алар бу бәйрәмне ничек каршы алганнар?! Гаиләдә без алар турында балаларыбызга, оныкларыбызга сөйләргә тиеш. Милли гореф-гадәтләрне, йолаларны ел саен буыннардан-буыннарга тапшырырга кирәк. Әби-бабайларыбыз турында истәлекләр вафат булганнарының рухына дога булып барсын. Без исәннәр бәхетле илдә, туган телебездә сөйләшеп, гореф-гадәтләребезне хөрмәт итеп яшик", - дип сөйләде Мәскәүнең татар штабы җитәкчесе Рөстәм Ямалиев.