Саклау китабын коткарам дип, шәһәрдәшебез 1,7 млн сумыннан "колак каккан"

Яр Чаллы шәһәрендә яшәүче 57 яшьлек ханым мошенниклык очрагы турында полиция бүлегенә хәбәр итә. Аңа таныш булмаган ир-ат шалтырата да, “хәзерге вакытта хакерлар тарафыннан акча салдыру очраклары теркәлә бара. Сезнең банктагы саклау китабын саклап калырга кирәк” дип, куркыта.
Борчылган пенсионер ханым банк бүлегенә килә дә, үзенең бөтен акчасын салдыра. Аның саклау банкында 1,75 млн сумы булуы билгеле. Соңыннан исә ханым бар акчасын өлешләп, мошенниклар хәбәр иткән номерларга җибәрә.  
Әлеге факт буенча җинаять кодексының 159нчы маддәсе 4нче өлеше (“Аеруча зур күләмдә башкарылган мошенниклык”) буенча җинаять эше кузгатылган.