Сергей Решетов яңа елны тикшерү изоляторында каршылый

Бүген Чаллының шәһәр судында балык «пирамидасы»н оештыруда гаепләнүчеләрнең берсе Сергей Решетов эше  каралды. Ул аеруча зур күләмдә мошенниклык кылуда шикләнелә. 

Суд карары буенча Сергей Решетов 6 гыйнварга кадәр тикшерү изоляторында калачак. 

Аның хатыны Татьяна Решетованы СИЗОда тоту  буенча ходатайство якын арада каралачак. 

Решетовлар балык «пирамидасы» оештыруда катнашкан булырга мөмкин.

Зыян күрүчеләр әйтүенчә, Решетовлар Татарстанга диңгез продуктлары кайтарганнар. Аларны 25 октябрьдә кулга алдылар.

Решетовларга карата җинаять эше кузгатылды.