«Сезнең ирегез безгә акча тиеш!»

Мошенниклар яңа алдау ысулын улйлап тапкан. Хәзер алар кредиторлар булып шалтырата. Шулай 28 яшьлек Чаллы кызын да алдамакчы булалар. "Ирегезнең бурычы бар. Акчаны кайтарсын", - дип 37,5 мең сум сорыйлар. Шәһәрдәш белән элемтәгә кредитор үзе чыга.  Акча күчерү өчен сылтама язып җибәрә. 

Әмма Чаллы кызы акча күчерергә ашыкмый. Полиция хезмәткәрләренә мөрәҗәгать итә. Хокук сакчылары шалтыратучыларның чыннан да мошенник булуын дәлилли. Алар Санкт-Петербургта теркәлгән номер буенча шалтыраткан була. Хәзер ялган кредиторлар эзләүдә.