Татарстанда яшәүчеләр автомәктәпләрдә хокук бозулар турында кайнар линиягә аноним рәвештә хәбәр итә алалар

Татарстан Мәгариф һәм фән министрлыгының Мәгариф өлкәсендә күзәтчелек һәм контроль департаментында республиканың автомәктәпләре эшчәнлегенә бәйле мәсьәләләр буенча кайнар линия ачылды. Бу хакта министрлыкның матбугат хезмәте хәбәр итә.

«Кайнар линиягә автомәктәпләр эшендә хокук бозуларга, закон бозуларга юлыккан һәркем мөрәҗәгать итә ала. Мәсәлән, гамәли дәресләр билгеләнгән сәгатьләргә караганда азрак; бер автомәктәптә укыдык, ә уку узу турында сертификатны икенчесендә алдылар; теория яки практика буенча сыйфатсыз укыту белән очраштык», — дип билгеләп үттеләр матбугат хезмәтендә.

Хокук бозулар турында 8-987-411-64-63 кайнар линия телефоны буенча хәбәр итәргә кирәк. Моннан тыш, «ВКонтакте» (vk.com/obrnadzor_tatarstan) рәсми төркеменә хәбәрләр язарга мөмкин, инстаграм (instagram.com/obrnadzor_tatarstan? igshid=p3r2), шулай ук түбәндәге электрон адреска хат җибәрергә: Landysh.Ahmetova@tatar.ru 

Ведомствода аноним булу гарантияләнә, дип ышандырдылар.

фото ачык чыганаклардан

Чыганак: Татар-информ