Тогаево чүплеген бетерәләр

. Дистә еллар буена чүплек ролен үтәгән урынны яңарту, туфрагын торгызу өчен 41 млн сумны таләп итә. Сүз Тогаево авылы янында урнашкан чүплек турында.
Шунысын да әйтергә кирәк, 41 млнның нибары 3 миллионы гына эшчеләргә хезмәт хакы түләр өчен бүленгән. Техник документацияләрдә әйтелгәнчә, эш берничә этапта барачак. Беренчесе- техник этап. Озак еллар дәвамында барлыкка килгән траншеяларны каплау һәм җирне тигезләү өчен 26,5 млн сум сарыф ителәчәк. Икенче этапта тышкы канализация челтәләрен тәртипкә китерчәләр. Бу эшкә барысы 6,7 млн сум акча кирәк булыр дип планлаштырыла. Ә соңгы этапта исә, гомумтөзелеш эшләре башкарылачак. Төгәлрәк итеп әйткәндә, фундамент салыначак һәм чүплек территориясе койма белән уратып аланычак. Әлеге эшләргә 966мең сум акча бүленгән.