Төрекмәнстан Республикасы консулы Чаллыда прокурор белән очрашты

КФУның Чаллы филиалы директорына чит ил студентларын тулай торактан мәҗбүри рәвештә чыгарырга ярамау турында кисәтү бирелде.
Бу хакта прокурорның матбугат чаралары белән хезмәттәшлек буенча өлкән ярдәмчесе Руслан Галиев хәбәр итте.

Төрекмән студентларының пикетыннан соң, институтта прокурор Дмитрий Ерпелев һәм Төрекмәнстан Республикасы консулы Дмитрий Велев белән очрашу узды. Институт җитәкчелеге студентларга күченергә һәм яшәү урыны буенча теркәлүне рәсмиләштерергә ярдәм итүне үз өстенә алды.

Вузның тулай тораклары 1510 кешегә исәпләнгән, әмма ремонт белән бәйле рәвештә, бер блокта койка-урыннар саны 1050гә кадәр кимегән. Өстәвенә, беренче курс студентлары 500 урын алачак. Институтның әйләнештәге торак фонды юк, шуңа күрә студентларны күчерү мөмкинлеге юк. Хәзерге вакытта Төрекмәнстанның 695 гражданы тулай торакта яши. Аларның бер өлеше август азагында тулай торакта яшәү өчен алар белән килешүләр озайтылмаячак, дип хәбәр иттеләр.

Прокуратурада хәбәр итүләренчә, тулай торак корпусын тапшырганнан соң, 25 сентябрьдә институтның мохтаҗ студентларга ярдәм итү өчен 450 өстәмә койка-урын барлыкка киләчәк. Тагын 50 урынны Яр Чаллы политехника көллияте бирә ала.

Прокурор тикшерүе дәвам итә.

Мәгълүмат chelny-biz сайтыннан алынды