Җәй җилләре март башында ук исәчәк...

Быел Россиядә яз бик иртә киләчәк: җәйнең якынаюын илнең бөтен Европа өлеше март башында ук сизәчәк. Мондый фаразны “Фобос” һава торышы үзәгенең әйдәүче белгече Евгений Тишковец ясады.
"Кыш узган елдагы белән чагыштырганда күпкә салкынрак булса да, салкын сезон кыска булачак. Ким дигәндә, ул ике атнага кыскарырга тиеш. Яз билгеләнгән вакытыннан алдарак киләчәк", — дип белдерә синоптик.
Евгений Тишковец әйтүенчә, гадәттә, “рәсми яз” 27 мартта килә.
Элегрәк "Гидрометүзәк" башлыгы Роман Вильфанд, Россиядә гыйнвар йомшак һәм җылы булачак, дип белдергән иде. Шул ук вакытта илнең Азия өлешендә, киресенчә, салкыннар көтелүен фаразладылар.
Климатологлар исә, Россиядә кышның җылы килүе һәм явым-төшемнең күп булуы көчле ташкыннарга китерәчәк, дип кисәтә.

Чыганак: Кызыл таң 

Фото: ачык чыганаклардан