Шəhри Чаллы
  • Рус Тат
  • БАВЫРДАН РУЛЕТ

    Кирәк: (7 рулет өчен): * 300 г сыер бавыры; * 1 баш суган; * 1 данә кишер; * 10 г петрушка үләне; * 200 мл су; * 1 аш кашыгы баллы паприка аштәмләткече; * 1 аш кашыгы кукуруз крахмалы; * тәменчә тоз, борыч; * 2 аш кашыгы үсемлек мае.

    Эш барышы:

    1. Эчлек өчен суганны – вак шакмаклап, кишерне вак телемнәргә турыйбыз.




    2. Үсемлек маенда кыздырып алабыз. Шунда ук петрушка үләнен турап кушабыз да барысын бергә тагын 2 минут кыздырабыз.
     



    3. Бавырны җиңелчә генә катырып, 2 см калынлыктагы кисәкләргә теләбез.


     

    4. Һәрбер кисәген азык пленкасына төреп, агач чүкеч белән җиңелчә генә тапап алабыз.
     



    5. Аннары бавыр кисәгенә тоз, борыч сибеп...




    ...өстенә 1 чәй кашыгы эчлек салып, рулет итеп төрәбез. Теш чистарткыч белән каптырабыз.




    6. Әзер рулетларны җөе белән аска – мае җылытылган табага тезеп чыгабыз.


     


    7. Башта бер ягын кыздырабыз, аннан, әйләндереп, икенче ягын кыздырабыз.


     


    8. 1 стакан салкын суны паприка һәм крахмал белән кушып, болгатабыз. 




    9. Шуны рулетлар өстенә агызып, капкач белән томалап 25-30 минут сүрән утта пешерәбез.



     

    10. Әзер рулетларны табынга төрле гарнирлар һәм яшелчәләр белән бирергә була.


     

    Нравится
    Поделиться:
    Реклама
    Комментарии (0)
    Осталось символов: