Диспансеризация кемнәргә каралган?

Сәламәтлек саклау идарәсенең матбугат хезмәте хәбәр итүенчә, Чаллыда 40 яшьтән узган кешеләр ел саен, 18 яшьтән 39 яшькә кадәргеләр 3 елга бер диспансеризация үтә ала. Әлеге чара беркетелгән шифаханәдә башкарыла. Ул ике этаптан тора. Тайпылышлар булмаган очракта бер генә этап үткәрелә. Пациент онкоскриннинг, ЭКГ, маммография, флюорография үтә, биохимик анализлар бирә ала. Аннары тикшеренү нәтиҗәләре белән табибка керә. Терапевт кешене сәламәтлеге турындагы мәгълүматлар белән таныштыра, кирәк булса, дәвалану билгели.