Бәйрәм табынына «Патша» салаты

Әлеге рецепт «Ак калфак» бөтендөнья татар хатын-кызлары иҗтимагый оешмасының Алабуга бүлеге җитәкчесе Эльмира Әхмәтҗановадан. 

Кирәк: 1 упаковка кызыл тозлы балык (семга, форель), 3-4 пешкән йомырка, 3-4 пешкән бәрәңге, 2 пешкән кишер.

Әзерләү: куна тактасына пергамент кәгазе җәябез. Шуңа беренче кат итеп угычтан уылган кишерне җәябез, икенче катка вак итеп туралган йомырка, өченче катка угычтан уылган пешкән бәрәңге салабыз. Араларына майонез сылап барабыз. Иң соңгы катка вак итеп туралган кызыл балык салабыз һәм рулет формасында бөтерәбез.