Россия Герое Дамир Йосыповның баласы туган

Очучының гаиләсе бик зур, ә менә хатыны Натальяның тагын бер бала көткәнен Дамир кычкырып йөрмәгән. Бүген ул урамда бала белән йөргән фотосын урнаштырган. Колясканың төсе буенча кыз бала дөньяга килгән дип фаразларга була. Дамир Йосыповның беренче никахыннан Ильяс һәм Исмаил исемле уллары үсә. Хәзер тормыш иптәше Наталья белән өч бала тәрбиялиләр – яңа туган сабые, улы Динислам, Натальяның беренче иреннән туган Аняны да Дамир үз баласы итеп үстерә.