"Шәһри Чаллы"га яздыру - изге эш!
Ел да, декабрь аенда узучы инвалидлар ункөнлеге кысаларында, газетабыз «Шәһри Чаллыга язылу бүләк ит!» дип исемләнгән акция оештыра. Аның кысаларында мәрхәмәтле шәһәрдәшләребез физик мөмкинлекләре чикле чаллылыларга калабызның бердәнбер татар басмасына абунә бүләк итә. Әйтергә кирәк, мондый изге гамәл кылучылар шактый. Шуларның берсе –шәһәр башкарма комитетында тәрҗемәче булып эшләүче Римма Солтанова. Шушы көннәрдә ул Татарстан Язучылар берлеге әгъзасы, шагыйрь Галиәхмәт Шаһины “Шәһри Чаллы” газетасына яздырды.
