Имтиханнарга әзерләнү мәктәбе ачылды

Татарстанда «Сәләт-Олимп» олимпиадага һәм БДИга әзерлек мәктәбе ачылды. Ул "Байтик" балалар савыктыру лагеренда 3 апрельгә кадәр эшләячәк. Мәктәп "Сәләт" республика яшьләр иҗтимагый фонды һәм ТР Мәгариф һәм фән министрлыгы белән ТР Яшьләр эшләре һәм спорт министрлыгы тарафыннан гамәлгә куела. Татарстан Республикасының акыллы яшьләре математика, информатика һәм җәмгыять белеме буенча белемнәрен арттырырга җыелды. Алар белән республиканың иң яхшы укытучылары һәм педагоглары эшләячәк, дип хәбәр иттеләр Татарстанның "Сәләт" яшьләр иҗтимагый фонды медиаүзәгендә.