Наил Мәһдиев: «Шәһәрдә алданган өлешчеләр проблемасы тулысынча хәл ителәчәк»

"Төзелеш башланган вакытта 2,5 кат кына иде. "Профит" – алданган өлешчеләр проблемасын хәл итүгә алынган бердәнбер компания", - диде Наил Мәһдиев һәм 2015 елның 1 гыйнварына мондый алданган гаиләләрнең 939 булуын билгеләп үтте.

"Рөстәм Миңнеханов проблеманы хәл итәргә кирәк, диде. 2014 елга кадәр озак вакытлар торган беренче йорт  58/02 йорты иде. Мин республика Премьер-министры Илдар Шәфкатовичка мөрәҗәгать иттем. Ул миңа Марсель Мингалимовка мөрәҗәгать итәргә киңәш бирде. Без аның белән сөйләштек. Бер атнадан ул килде һәм бу 300 млн сум торачак, диде. Йортны тапшырганнан соң ике елдан без аңа әлеге суммага җир участогын кайтардык. Бу безнең җайга салынган эшебез нәтиҗәсе", - диде ул.

Якын арада 65/10 йортның 109 өлешчесе дә көтеп алынган өй туен билгеләп үтәчәк. Торак йорт шулай ук төзелеп беткән, хәзерге вакытта объектта ТР Дәүләт төзелеш күзәтчелеге инспекциясе тарафыннан тикшерү үткәрелә. Йорт август ахырына кадәр файдалануга тапшырылачак. Исегезгә төшерәбез, проблемалы объект төзелешен «Евростиль» компаниясе алып барды.

Сентябрьдә шулай ук 65/03 йорттан 25 алданган өлешче фатир алачак. "Домкор" чаллылыларга 63/09 йортында торак мәйданы бирәчәк.

Наил Мәһдиев сентябрь аенда Яр Чаллы шәһәрендә алданган өлешчеләр проблемасы тулысынча хәл ителәчәк дип билгеләп үтте: "Мин Казан буенча соңгы мәгълүматларны карап чыктым – 11 йорт төзелеп бетмәгән. Өч меңнән артык алданган өлешчеләр исәпләнә. Яр Чаллы шәһәре буенча, файдалануга тапшырылган әлеге йортны исәпкә алып, барлыгы 134 гаилә генә кала. Без сентябрьдә, әгәр барысы да бүгенгечә килеп чыкса, бу проблеманы тулысынча көн тәртибеннән төшерәчәкбез", - диде шәһәр мэры.

Управление информационной политики и по связям с общественностью.