Суган саргаймасын өчен нишләргә?
Матур гына үсеп утырган җирдән суган кыяклары саргая башлый. Моның сәбәбе нидә икән?
Суган чебене бу, җәмәгать! Аның личинкалары суган кыягының иң сусыл җирләрендә, очларында була. Алар үсемлекнең согын суыралар, шуңа күрә кыяклары саргая башлый да инде.
Кайчак суган тамырында вак нәзек кортлар – нематодалар да күренә. Бу очракта нишләргә?
Гадәттә халык ысулларын кулланабыз. 10 литр суга 0,5 стаканнан күбрәк итеп тоз; яки 10 литр суга бер уч кер юу порошогы; яки 10 литр суга 3 аш кашыгы нашатырь спирты салып, алдан су сипкән дымлы җиргә төпләренә генә сибәбез. Болар да ярдәм итмәсә, алатар кебек агулы препаратлар (исемнәре төрле булырга мөмкин) кулланабыз.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев