12-17 яшьлек балалар өчен коронавируска каршы «Спутник М» вакцинасы теркәлгән. Кайчан ясый башлыйлар?
Чаллы ата-аналарына балаларына прививка ясату турында ризалык бирүне сорап, махсус белешмәләр тарата башладылар. Анда ата-аналар үзләренең риза булу-булмауларын белдерергә тиеш. Россиядә 12-17 яшьлек балалар өчен коронавируска каршы «Спутник М» вакцинасы теркәлгән. Прививка ясаткан баланы сәүдә үзәгенә әти-әниләреннән башка гына да кертерләр, мөгаен, ә хәзер бу тыела.
Моңарчы ТР Сәламәтлек саклау министрлыгының баш эпидемиологы, иммунопрофилактика буенча белгеч Дмитрий Лопушов: «Вакцина кайту белән хәзерге вакытта гамәлдә булган вакцинопрофилактика системасы балаларны да колачлаячак. Бу балалар поликлиникалары, мәктәпләрдәге вакцинация пунктлары булыр, мөгаен», - дип белдергән иде.
Табиб баштагы чорда сәүдә үзәкләре һәм мәдәният сарайларындагы мобиль пунктларда балаларга прививка ясамаячакларын әйтте.
Следите за самым важным и интересным в Telegram-каналеТатмедиа
Нет комментариев