Балаларның ялын бернәрсә дә бозарга тиеш түгел

Хуҗалык җитәкчеләре киңәшмәсендә шәһәр мэры Наил Мәһдиев мәктәп һәм шәһәр яны лагерьларына катгый таләпләр куярга кушты. «Иң яхшысы – балаларга!» дигән девиз белән эшләргә кирәк, чөнки әти-әниләр үзләренең иң кадерле кешеләрен – балаларын безгә ышанып тапшыралар. Безнең бурыч – лагерьларны, ял итү, коену урыннарын санитар таләпләргә туры килерлек, ризыкны сыйфатлы итү. Медикаментлар җитәрлек булырга тиеш. Балаларның куркынычсызлыгын тәэмин итү зарур. Күңел ачу программалары кызыклы һәм файдалы булсын. Кыскасы, балаларның җәйге ялын бернәрсә дә бозарга тиеш түгел», – дип кисәтте ул.