Чаллы тимерчесе Якутия өчен кораб ясаган

Чаллы тимерчесе Рәмис Газизов ясаган кораб Якутия республикасында төп монумент булачак. Шушы көннәрдә кораб-һәйкәл Якутиянең Нюрба шәһәренә җибәреләчәк. Аны биредәге хакимият бинасы янына урнаштырачаклар.

Тимердән эшләнәгән ике тоннага якын авырлыктагы кораб 9 мең чакырым юл үтәчәк. «Корабны бер ай эчендә ясадык. Бер атна констуркцияләдек, ике атна ясадык, аннары җыйдык, буядык. Мондый зур объект өчен бу бик кыска вакыт. Тырышлыгыбыз нәтиҗәсендә 8 метр биеклектәге, 5 метр озынлыктагы кораб барлыкка килде», – ди оста куллы шәһәрдәшебез Рәмис Газизов.

Рәмис элек тә мондый объектлар ясаган. Әйтик, ул ясаган Чаллы туграсы сугыш ветераннары каршындагы урынны бизәп тора.

Фото: https://chelny-biz.ru