Чаллыда 56 йорт төзелә

Чаллыда ярты ел эчендә 154,1 мең кв.м торак йорт файдалануга тапшырылды. План буенча 322 мең кв.м төзү планлаштырыла. Бу хакта башкарма комитет җитәкчесе урынбасары Мансур Фәттахов белдерде.

Шәһәрдә барлыгы 56 йорт төзелә. Ел ахырына кадәр 510 фатирлы өч социаль ипотека йорты, 5311 фатирлы 32 инвестицион торак йорт, шулай ук 25 мең кв.м. шәхси йорт тапшыру планлаштырыла.

Мансур Фәттахов сүзләренчә, Чаллыда торакка ихтыяҗ зур. Әмма сату темпы узган елга караганда азрак. Бүгенге көндә фатирларның бер квадрат метры - уртача  120 мең сум.