Чаллыда иң яхшы укытучыны билгеләячәкләр

19 январь көнне шәһәрдә "Ел укытучысы - 2024" россиякүләм конкурсының муниципаль этабы финалы узачак. Бәйгедә 59 мәктәптән 63 укытучы катнашты. Финалга 9ы гына чыкты. Алар 13, 26, 19, 34, 35, 55, 62, 79 һәм 84нче мәктәпләрдән. Финалда укытучыларга педагогик совет, педагогик инициатива һәм пресс-конференция кебек биремнәрдә үзләрен күрсәтергә кирәк булачак. Җиңү яулаган укытучы Чаллы даны зональ этапта, Казанда яклаячак. Ул 12-13 февральда узачак.