Чаллыда «Татарстан кроссы»на 22 мең кеше чыкты

Шәһәрнең "Яр буе" паркында "Татарстан кроссы" ярышлары узды. Чарада 22 меңгә якын кеше катнашты. Балалар бакчасына йөрүчеләрдән алып өлкән яшьтәгеләргә кадәр. Өч дистанция билгеләнде. Кечкенәләргә - 400 м, мәктәп укучыларына, студентларга һәм төрле учреждение хезмәткәрләренә 1 км һәм 4 км йөгерергә кирәк булды. Ярышларда физик мөмкинлекләре чикле шәһәрдәшләр дә катнашты. Призлы урыннар яулага кешеләр грамота, медальләр белән бүләкләнде.