Чаллыда 24 йортта җылы юк

Автозавод һәм Тынычлык проспекты киселешендә, «Октябрьское» сәүдә үзәге янында җылылык үткәргечтәге ярык нәтиҗәсендә ике мәктәп, бер балалар бакчасы, өч шифаханә, биш административ бина һәм 24 күп фатирлы йорт җылысыз калды. Барлыгы 11446 кеше, шул исәптән  400  бала салкын фатирларда утыра. Авария урынында «Яр Чаллы җылылык челтәрләре» предприятиесе хезмәткәрләре эшли. Ремонт эшләре бүген төнге 12гә кадәр тәмамланырга тиеш. «Эшләрне кыска вакыт эчендә тәмамларга тырышабыз. Кулланучылар өйләрендә җылы юклыгын сизми дә калырлар»,  - диделәр предприятиедә.

Зөлфия ГАЛИМ