Чаллыда тугыз көчек үтергән ир-ат мәчесе өчен үч алуын әйтте

Чаллыдагы "Заря" бакчачылык ширкәтендә көчекләрне рәхимсез үтерүнең мотивлары билгеле булды.
Җинаять кылуда шикләнелү шул ук бакча территориясендә яшәүче 42 яшьлек ир-ат тоткарланган. Ул көчекләрне үтерүдә гаебен таныган. Ир-ат сүзләренчә, ул этләрне аның мәчесен имгәткән өчен үтергән. 
РФ Җинаять кодексының 245 маддәсе 2 нче бүлеге тарафыннан каралган (Хайваннар белән рәхимсез мөгамәлә) җинаять эше кузгатылган. Бу маддә буенча максималь җәза - биш ел иректән мәхрүм итү.  
 

Исегезгә төшерәбез, тугыз көчекнең гәүдәләре 11 гыйнварда "Заря" бакчачылык ширкатендә табылган иде.

Бу турыда тулырак укырга.