Иң матур чыршы кайда?

Районнар буенча Мәләкәс аръягындагы чыршы иң матуры дип танылды. Икенче урында – «Энергетик» мәдәният сарае янында, өченчедә – Җиңү паркындагы чыршылар. 
Коммерция компанияләре арасында иң яхшы бизәлгән бина «АКИБАНК»ныкы, икенче урында – «ЖилЭнергоСервис», өченчедә – «Татнефть» ягулык салу станциясе. 
Сәнәгать предприятиеләренә килгәндә, алар арасында иң матур бизәлгәне – «Татэнерго» – Чаллы җылылык челтәрләре филиалы булды. Икенче урында – «Чаллы икмәге», өченчедә – «КАМАЗ»ның Пресс-рам заводы.  
Иң матур бизәлгән микрорайоннар – 39 комплекс, Суар поселогы һәм «Солнечный парк» торак комплексы территориясе.
Бюджет оешмалары арасында 111нче балалар бакчасы, 27нче мәктәп һәм 109нчы балалар бакчасы җиңүчеләр исемлегенә керде.
Аларның барысына да Наил Мәһдиев дипломнар тапшырды.