Россиядә тагын бер бәйрәм көне кертергә уйлыйлар

Татарстанның бала хокукларын яклау буенча вәкаләтле вәкиле Ирина Волынец Россиядә елына ике тапкыр йөкле хатыннар көне үткәрергә тәкъдим итте. Бу хакта Russia Today хәбәр итте.

Ирина Волынец Россия Президенты Владимир Путинның илдә демографик хәлнең катлаулы булуына борчылуын истә тотып, балалы гаиләләргә өстәмә ярдәм күрсәтергә кирәк дип саный. Аның әйтүенчә, йөкле хатыннар көнен календарьгә беркетү шундый чараларның берсе. 

Йөклелекнең дәвамы  9 ай. Шуңа күрә Волынец йөкле хатыннар көнен 7 апрельдә һәм 7 октябрьдә билгеләп үтәргә тәкъдим итә. Бу барлык йөкле хатыннарга да кагыла.