Юл-транспорт һәлакәте үлем белән тәмамланган

Чаллының юл хәрәкәте иминлеге автоинспекциясе 16 мартта «КАМАЗ-Мастер» урамында булган авария турында мәгълүмат бирде.

Узган шимбәдә 23 сәгать 30 минутта 18/10 йорты ишегалдына  юл-транспорт һәлакәте була. 26 яшьлек «LADA Kalina» йөртүчесе якынча мәгълүматлар буенча, сулга борылганда каршы яктан килүче «Ford Kuga» автомобиленә бәрелә.

Нәтиҗәдә чит ил машинасы туктап торган 6 машинага ( Hyundai Solaris, Toyota Sienta, Skoda Rapid, BMW, Volkswagen Passat, Skoda Kodiaq) килеп керә. Аннары Ford Kuga кирпеч диварга барып бәрелә. Аның 31 яшьлек йөртүчесе ашыгыч ярдәм хезмәте килеп җиткәнче вафат була.