«КАМАЗ» заводы «Мәктәпкә җыенырга булыш» акциясенә кушылды

Республикабызда ата-аналарга ярдәм итү максатыннан үткәрелүче “Мәктәпкә җыенырга булыш!” акциясе иң игелекле гамәлләрнең берсенә әверелде һәм ул елдан-ел киңрәк колач җәя бара.  Шушы көннәрдә  хәйрия акциясенә “КАМАЗ”да кушылды. Предприятие 1нче сыйныфка баручы балалары булган хезмәткәрләренә канцелярия товарлары сатып алу өчен 2 мең сумлык сертификатлар тапшырачак. Якынча мондый бүләккә 1600 бала өмет итә ала. Барлыгы бу максатка предприятие 2 млн 250 мең сум күләмендә акча сарыф итәчәк.