Кино сәнгате зур югалту кичерә

Бүген интернет челтәрләреннән кайгылы хәбәр килеп иреште. СССРның халык артисты, театр һәм кино актрисасы  Инна Чурикова вафат.

Аңа 79 яшь булган. «Ленком Марка Захарова» театры директоры Марк Варшавер ТАСС агентлыгына: «Инна Михайловна Чурикова бүген хастаханәдә үлде», – дигән.

Инна Чурикова – танылган актрисаларның берсе. Зур экранга беренче тапкыр ул «Тучи над Борском» фильмында чыкты.

Аның катнашындагы иң танылган «Морозко», «Курьер», «Страна Оз», «Ширли-мырли», «Иван Денисович» фильмнары һәм сериаллар бар. Актрисаның уйнавын тамашачылар яратып карады. 

Фото: kremlin.ru