Кондызлы күл янын ничек ясарга? - сораштыру бара

"Яр буе" паркындагы кондызлы күл тирә-янын шәһәрдәшләр ихтыяҗларын исәпкә алып төзекләндерәчәкләр. Интернет челтәрендә сораштыру игълан иттеләр. "Күл буенда ниләр җитми?", "Әлеге территориядә нишләргә яратасыз?", " Бу урынны ничек күрәсез?" һәм башка шундый сорауларга җавап бирергә кирәк. Сораштыруны моннан үтәргә мөмкин. 

Исегезгә төшерәбез, "Яр буе" паркын төзекләндерү белән "Архитектур десант" бюросы шөгыльләнә. Хәзерге вакытта реконструкциянең икенче этабы бара. Ф.Табеев яр буена кадәр велосипедчылар һәм җәяүлеләр юлларын ясыйлар. "Навигатор" яхт-клубы янындагы пляжны тәртипкә китерәләр.