Коточкыч җинаять

Чаллының Сидоровка бистәсендә коточкыч җинаять кылынган. 46 яшьлек хатын-кыз ерткычларча үтерелгән.

Үзебезнең чыганаклардан билгеле булганча, әлеге җинаятьне кылуда 66 яшьлек ир-ат шикләнелә. 

Спиртлы эчемлекләр кулланган ир белән өйдәш хатын арасында бәхәс килеп чыга. Ир-ат хатынны балта белән чабып үтерә һәм ванна бүлмәсендә кисәкләргә бүлә. Җинаять эзен юарга өлгерми. Фатирга аның туганы килеп керә һәм полициягә  хәбәр итә. 

Җинаять булган урында тикшерү эшләре бара.