Кышны кайгыртып

Чулман проспектында җылылык челтәрләре реконструкцияләнә. Шәһәр көннән-көн зурая һәм элеккеге торбалар барлык таләпләргә дә туры килми. 36, 37нче комплекслар һәм 35нче комплекста торак йортлар төзелүгә бәйле рәвештә, җылылык белән тәэмин итүне яхшырту максатыннан, торбалар диаметры зурракларына алыштырылалар.

1 июньдә башланган эш бүгенге көндә бераз графикны узып башкарыла. 30 августка реконструкция эшләре тәмамланырга тиеш. Дөрес, тавыш күплектән якын-тирә йортларда яшәүчеләрнең зары күп. Шуңа да карамастан, эшләр көн саен иртәнге 5тән кичке 7гә кадәр дәвам итә.