Кырым күперендә гадәттән тыш хәл
Вакыйга урынында ике кешенең һәлак булуы турында мәгълүмат барлыкка килде.
Россия Тикшерү комитеты Кырым күперендә булган теракт буенча җинаять эше кузгатты. Бу хакта мәгълүмат Россия Тикшерү комитеты Телеграм-каналында чыкты.
«Тикшерү мәгълүматлары буенча, 17 июль төнендә Украинаның махсус хезмәтләре тарафыннан кылынган террорчылык акты нәтиҗәсендә Кырым күперенең бер секциясе зыян күргән. Күпердән җиңел автомобильдә барган ир-ат һәм хатын-кыз һәлак булган, аларның балигъ булмаган кызы җәрәхәтләр алган», диелгән хәбәрдә.
Җинаять эше кысаларында экспертизалар билгеләнгән. Тикшерү әлеге җинаятьне оештыруга һәм башкаруга катнашы булганнарны ачыклый.
фото: kremlin.ru
Следите за самым важным и интересным в Telegram-каналеТатмедиа
Нет комментариев