Мандаринны дөрес сайлагыз!

Мандариннарда бернинди зыян да, киселгән урыннар да булырга тиеш түгел. Шулай да бераз тышкы дефектлар рөхсәт ителә — зур булмаган тырналу-ышкылулар, кабыгындагы буялулар мандаринның тәменә һәм сыйфатына берничек тә тәэсир итми.
«Роскачество» билгеләп үткәнчә, Русия киштәләрендә кытай-япон сортларын: шивамикан, сатсум, Төркия, Тунис, Марокко һәм Испаниядән гибридлар: муркотт, надоркотт, клементин һәм башкаларны очратырга мөмкин. Русиялеләр барлыгы 70кә якын сорт таба ала.
Экспертлар клементиннарны гибрид мандариннар арасында иң тәмлесе, татлысы дип атаган. Пикси сортын да яхшы дип билгелиләр. Бу тәмле мандарин бик озак саклана да.
Белгечләр кабыгы өстендә күгәргән урыннары булган мандаринны алмавы яхшырак, дип кисәтә, чөнки бу гөмбә авыруы билгесе булырга мөмкин. Шулай ук артык йомшак урыннары булган җимештән дә сак булырга кирәк.

https://kiziltan.ru/obchestvo/16278-mandarinny-dres-saylagyz.html