Машинасын алганнар

Тукай районында 70 яшьлек пенсионер чит ил машинасыннан колак кага. Сәбәбе: спиртлы эчемлек эчкән килеш руль артына утырган. 

9 октябрьдә  Toyota RAV4 машинасын йөртүчене, документиларын тикшерү өчен,  Суровка авылында ГАИ инспекторлары туктаткан. Медицина тикшерүеннән соң аның исерек хәлдә булуы расланган. 

ТР прокуратурасының матбугат хезмәте хәбәр итүенчә, район суды аны гаепле дип тапкан. Суд карары нигезендә ир-ат 10 сәгать мәҗбүри эшкә тартылачак, машинасы дәүләт файдасына алына һәм үзе 2 елга машина йөртү таныклыгыннан азат ителә. 

Карар әле үз көченә кермәгән.