Прокурор баланың теләген тормышка ашырган

Чаллы прокуроры Артур Әбуталипов 9 яшьлек Халидның хыялын тормышка ашырган: акыллы колонка тапшырган. 

Физик мөмкинлекләре чикле булса да, бала актив тормыш алып бара: спорт белән шөгыльләнә, йөзәргә ярата, кыяга үрмәли. 

Прокурор яшь шәһәрдәшебезне прокуратурага чакырып, бүләк тапшырган. Бина буенча экскурсия үткәргән, әлеге хезмәтнең тарихы, эшчәнлеге белән таныштырган. 

Халидның әнисе баласына кайгыртучанлык күрсәткән прокуратура хезмәткәрләренә рәхмәт әйткән.

Фото хакимиятнең телеграмм каналыннан алынды.