Рөстәм Миңнеханов Чаллы көрәшчесенә машина бүләк итте.

Бүген Болгарда «Изге Болгар җыены»нда милли көрәш ярышлары булды. Анда 10 илдән 100дән артык көрәшче  көч сынашты. 

Уртача авырлыктагылар арасында Татарстан көрәшчесе, Россия һәм дөнья чемпионы Динар Кәримуллин баш батыр булды. Ул финалда Ульяновск өлкәсе көрәшчесе Артур Хәкимов белән көрәште.

100кг артык авырлыктагылар арасында Авыр үлчәү категориясендә Чаллы спортчысы, дөнья чемпионы Радик Сәлахов җиңү яулады. Ул финалда Грузия чемпионы Уча Табататзе белән очрашты.

Көрәшне Татарстан Рәисе Рөстәм Миңнеханов та карады һәм баш батырга төп бүләк — «Lada Grantа» машинасы ачкычын тапшырды.

Бу - Чаллы спортчысының бүләккә алынган 19нчы машинасы. 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).