Русиядә алкоголь һәм тәмәке сатучы сәүдә нокталарын 2,5 тапкырга кыскартырга җыеналар.

Бу "Демография" дәүләт проектының бер өлеше булачак. 

Максаты - 2030 елга русиялеләрнең гомер озынлыгын 80 яшькә кадәр җиткерү. Бүген ул 72,7 ел тәшкил итә.

Алкогольне һәм тәмәкене артык күп куллану - үлемнәрнең төп сәбәпчесе. Русиядә бу аеруча нык сизелә, дигән фикердә экспертлар.

Әле Русиядә 100 мең кешегә аракы сатучы 120 кибет туры килә. Әйтик, Скандинавиядә шулкадәрле кешегә 15 кибет алкоголь сата.

Бездә кибетләр санын кыскартып кына бу проблеманы җиңеп булыр микән? Ай-һай...