Балалар һәм яшьләр иҗат сараенда Чаллының иң яхшы медицина хезмәткәрләрен бүләкләделәр. Бүләкләү тантанасы шәһәрнең сәламәтлек саклау тармагы эшчәнлегенең йомгаклау медицина советы кысаларында  үтте. Медицина хезмәткәрләрен Татарстан Республикасы сәламәтлек саклау министры урынбасары Илдар Фатыйхов, шәһәр мэры Наил Мәһдиев котлады.

Бүләкләргә шәһәрнең сәламәтлек саклау оешмаларының 28 хезмәткәре лаек булды. Алар арасында фельдшерлар, шәфкать туташлары, бүлек мөдирләре, баш табиблар, участок терапевтлары, лаборантлар һәм биологлар бар.