“Түгәрәк өстәл”гә – фикер алышырга

14 апрель көнне сәгать 14.00дә Россия ислам институтында "Дин өлкәсендә норма һәм девиация мәсьәләләре" дигән темага "түгәрәк өстәл" үткәрелә.

Анда дини һәм социаль нормаларның охшашлыгы һәм аермалы яклары; ислам яисә христиан диненең алкоголь, наркоманлык, үз-үзеңә кул салу, комарлы уеннар, фахишәлеккә мөнәсәбәте; Коръәндә һәм Библиядә күпхатынлылык мәсьәләсе турында фикер алышачаклар. Чыгышларның темалары 1 апрельгәчә, 12 биткә кадәр күләмдәге мәкаләләр электрон рәвештә 6 апрельгәчә кабул ителә.

"Түгәрәк өстәл"дән соң иң яхшы мәкаләләр тупланган җыентык басылып чыгачак. Доклад темаларын һәм мәкалә текстларын 2775812@mail.ru электрон адресына "Түгәрәк өстәл" искәрмәсе белән җибәрергә кирәк.