Трассада машина янган

Бүген төнлә М-7 федераль трассасының 930 километрында Мамадыш районы биләмәсендә банкалы сыра төялгән зур йөк машинасына ут капкан. "ДАФ" маркалы автомобилнең бер тәгәрмәче кызып төтенли башлый, аннан ялкынланып янып китә. Машина шоферы үзе сүндерә алмагач, янгынчыларны чакырта. Автомобилгә һәм аның йөгенә шактый зыян килә. Инде фургонлы йөк машинасы янында тикшерүчеләр эшли, алар машинаның тормоз колодкалары кызган яки тәгәрмәчнең башка механизмы төзек булмау аркасында янгын килеп чыккан дип әйтәләр.