Хәрби хезмәткә чакырылучыларга таләпләр үзгәрергә мөмкин

Россия Оборона министрлыгында, махсус хәрби операциядә туплаган тәҗрибәне дә исәпкә алып, хәрби хезмәткә чакырылучыларның (призывникларның) сәламәтлегенә карата таләпләрне үзгәртергә тәкъдим иттеләр. Әлеге документны әзерләү турында мәгълүмат федераль порталда урын алган.

Шул ук вакытта, биредә кайсы авыруларның күздә тотылуы анык кына язылмаган. Проектның тулы тексты да  басылып чыкмаган,  әмма ул 2024 елның декабрендә үз көченә керер дип фаразлана.

Саклану ведомствосы хәрби хезмәт вазифасын үтәү сәләтенә сизелерлек йогынты ясамый торган авырулары булган гражданнарга, «махсус хәрби операциядә туплаган тәҗрибәне дә исәпкә алып», медицина тикшерүе үткәрүне оештыру тәртипләрен үзгәртергә тәкъдим итә.

Әлеге яңалык хәрби исәпкә куйганда, хәрби хезмәткә чакырганда, Саклану министрлыгы белән контракт төзегәндә, шулай ук мобилизация һәм хәрби җыеннар вакытында кулланылачак.