Күрәзәче үсемлекләр

Тырнак гөл таҗларын иртән иртүк ачса – көн аяз булыр, төштән соң гына ачса – яшенле ягыр көтәргә кирәк.

Тузганак чәчәге йомылса – яңгыр көтелә.

Яңгыр алдыннан миләүшә (фиалка) чәчәгенең сабагы бөгелә.

Эт эчәгесе яңгыр алдыннан таҗын яба, ә иртәгә аяз буласы көнне, хәтта болытлы вакытта да ача.

Абага яфраклары аска таба бөтерелеп килсә – иртәгәсен аяз, җылы көн туар.

Каштан агачы яфраклары яңгыр алдыннан күп күләмдә лайлалы сок бүлеп чыгара. Кызыл бөрлегән яфраклары аска таба бөтерелсә – аяз, җәелсә – яңгыр явар.

Җил агач яфракларының астын өскә таба әйләндерсә – яңгыр явар.

Сары умырзаяның (утчәчәк) чәчәкләренә яңгыр алдыннан күбәләкләр куна. Әгәр кунмаса – һава аяз була.

Әгәр игътибар белән тыңласаң, давыл алдыннан нарат зыңгылдый, ә имән ыңгыраша.

Чүп үләне булган йолдызак чәчәкләре иртәнге сгать тугызларда ачылып, көндезге дүртләргә кадәр ачык торса – иртәгесен көн матур була. Әгәр йолдызак чәчәкләре иртәнге сәгатьләрдә ачылмаса, көндез яңгыр явар.

Өрәңге яфраклары яңгыр алдыннан 3-4 тәүлек алда “яшь коя” башлый.

Күрән (саз кыягы) чәчәге яңгыр явуга бер көн кала ябыла.

фото: https://loon.site